Eishkom

Hier word robuuste debat gevoer oor enige onderwerp met die minimum moderering. Deelnemers wissel van gelowig tot ateïs, van Christen tot Moslem, spiritueel en alles tussenin. Hier word jou oortuigings onder die loep geneem en getoets.
User avatar
Kameraad Eksteen
Posts: 570
Joined: Fri Aug 24, 2018 2:44 pm

Re: Eishkom

Post by Kameraad Eksteen » Fri Jun 12, 2020 10:24 am

Plompie, jy ruk weer die overkill kaart uit. Son panele het nou spotgoedkoop geword, 30% goedkoper as toe ons laas gepraat het. En "pure sine inverters" sy pryse het met meer as 50% geval. Dan het jy nog net 'n MPPT Solar Charge Controller, nodig. En ek beveel aan jy koop bekende handelsname, ek vertrou nie al die Sjinese goed nie, dis net te goedkoop.

So vir om en by R3000 kan jy amper konstant 30A in daai bestaande batterye inpomp as die son skyn. Of, teen R2000 meer kan jy jou krag in 220v uitmelk.

Ek het 500w in panele, 'n 400w inverter en twee 105Ah batterye en dit kan 'n paar rekenaars, ligte, hifi, ens. laat loop (ek gebruik daai hele 400w), heeldag as die son skyn, en selfs as dit bewolk is bly daai batterye vol op "float", en dan werk al my buiteligte heelnag lank op daai selfde batterye (wat so 3A in totaal kan trek). En dit loop nou al so vir jare.

So stelsel kos so R10000 vandag. En ja die inverter sit ek met 'n knoppie aan, en ek ruil twee plugs om as die krag trip. Maar dit gee my meer gemoedsrus as wat geld kan koop.

So as jy so baie geld kan rondgooi is dit 'n "no brainer". Maar R35 000 vir 'n hybrid inverter, nee iemand rook jou, "make it half". Glad nie so duur nie.

plompie
Posts: 385
Joined: Sat Aug 25, 2018 6:28 am

Re: Eishkom

Post by plompie » Fri Jun 12, 2020 12:17 pm

Kameraad wrote:Son panele het nou spotgoedkoop geword, 30% goedkoper as toe ons laas gepraat het.
Op Rectron se pryslys is 'n 330W Polycrystaline Silicon panel = R1920 vat inclusive. Ek sien elders kos die Canadian panel R1830 elk.
Kameraad wrote:En "pure sine inverters" sy pryse het met meer as 50% geval. Dan het jy nog net 'n MPPT Solar Charge Controller, nodig.
Ek dink in die beter tipe van inverters is die MPPT controller ingesluit. Maar daai 50% prys val, kan ek nie mee saamstem nie. Die goedkoopste redelik ordentlike sine inverter (tesame met die MPPT) is die Axpert, en sy cost is nou R5520 vir die 1Kva model. Die probleem is egter dat die Axpert nie 'n "hybrid" is nie.
Kameraad wrote:So vir om en by R3000 kan jy amper konstant 30A in daai bestaande batterye inpomp as die son skyn. Of, teen R2000 meer kan jy jou krag in 220v uitmelk.
Ek betwyfel hierdie syfers, maar ...
Kameraad wrote:Ek het 500w in panele, 'n 400w inverter en twee 105Ah batterye en dit kan 'n paar rekenaars, ligte, hifi, ens. laat loop (ek gebruik daai hele 400w), heeldag as die son skyn, en selfs as dit bewolk is bly daai batterye vol op "float", en dan werk al my buiteligte heelnag lank op daai selfde batterye (wat so 3A in totaal kan trek). En dit loop nou al so vir jare.

Dis fantasties Kameraad, en inderdaad die beste oplossing - as jy net 400w benodig. En natuurlik sou jou ligte LED wees ens. Die elektrisiën kom waarskynlik volgende week om my ladings te toets, maar ek kan jou nou al sê ek het heelwat meer nodig as 400w.
Kameraad wrote:So stelsel kos so R10000 vandag. En ja die inverter sit ek met 'n knoppie aan, en ek ruil twee plugs om as die krag trip. Maar dit gee my meer gemoedsrus as wat geld kan koop.
Wel ... weereens (ek twyfel). Eerstens, is dit nou "installed" of 'n DIY job waar jyself "hands-on" is?
Verder: My cost by Rectron op 2x105Ah deepcycle batterye alleen, is tans R4942.70 incl.
Die ander ding is: Ek soek my inverter volledig geïntegreer met my DB board; tesame met 'n COC.
Kameraad wrote:Maar R35 000 vir 'n hybrid inverter, nee iemand rook jou, "make it half". Glad nie so duur nie.
Dit hang af watter grootte, gehalte en funksies. Ja, jy kan 'n Infinisolar 5Kva hybrid inverter (ook Rectron) kry vir R12534 incl - en ja, straks is dit genoeg. Maar wanneer jy begin kyk na die kragtiger (en beter gehalte) soos bv Victron, is die prys veel hoër. 'n Goodwe 4.6Kw is byvoorbeeld reeds R32K, en 'n redelike, maar goedkoper gehalte (nie Victron nie) 8Kva is R38K.

User avatar
Kameraad Eksteen
Posts: 570
Joined: Fri Aug 24, 2018 2:44 pm

Re: Eishkom

Post by Kameraad Eksteen » Fri Jun 12, 2020 1:41 pm

plompie wrote:
Fri Jun 12, 2020 12:17 pm
Op Rectron se pryslys is 'n 330W Polycrystaline Silicon panel = R1920 vat inclusive. Ek sien elders kos die Canadian panel R1830 elk.
Dis reg, en nie so lank terug nie was my 80W panele oor die R1000 elk. En as jy by jou Chinese handelaar gaan loer gaan jy baie beter pryse as selfs dit kry.
plompie wrote:
Fri Jun 12, 2020 12:17 pm
Maar daai 50% prys val, kan ek nie mee saamstem nie. Die goedkoopste redelik ordentlike sine inverter (tesame met die MPPT) is die Axpert, en sy cost is nou R5520 vir die 1Kva model. Die probleem is egter dat die Axpert nie 'n "hybrid" is nie.
Nie die pryse het geval, jy "shop" net reg nie. Regte egte MPPT controllers se pryse is effens af, maar pure sine inverters is dramaties goedkoper, al ding is jy het 'n ossilloskoop nodig om te check of daai die ware Jakob is.

Dink aan jou sisteem as 'n modulêre sisteem. Dink 'n bietjie oor hierdie alles ineen kak, jy vind jy het nog 'n paar panele nodig, of jy wil eerder op 48v werk, maar nou is alles-in-een sisteem se Amps of die volts te laag. Pleks daarvan kon jy net nog 'n MPPT bysit of nog joune uitruil vir 'n groter een, goed ronskuif, soos panele op ander plekke sit waar daar meer son is, en langer "cable runs" soek dikker kabel of hoër volts. Dalk wil jy panele meng, of jy wil jou swembad pompe direk op 12v en appart op hul eie MPPT laat loop, of die hek motors is dalk ver ens. Vir al wat dit werd is, selfde met batterye, jy pas aan soos dit nodig is, dis nie eens nodig nie.

plompie wrote:
Fri Jun 12, 2020 12:17 pm
Kameraad wrote:So vir om en by R3000 kan jy amper konstant 30A in daai bestaande batterye inpomp as die son skyn. Of, teen R2000 meer kan jy jou krag in 220v uitmelk.
Ek betwyfel hierdie syfers, maar ...
Wat werk nie vir jou nie jou paneel kos dan R1920, dit gee jou 27A onder ideale toestande, gooi dit saam met 'n PWM contoller in en jy is steeds onder die R3000. 'n Paar R vir kabels en installasie, of sit 'n R1000 by en dis sommer 'n MPPT controller. Maar soos ek sê, ek vertrou nie die goedkoper MPPT's nie. Maar om 'n paar batterye gelaai te hou is PWM ok, en jy kry hulle vir R300 of so.
plompie wrote:
Fri Jun 12, 2020 12:17 pm
Dis fantasties Kameraad, en inderdaad die beste oplossing - as jy net 400w benodig. En natuurlik sou jou ligte LED wees ens. Die elektrisiën kom waarskynlik volgende week om my ladings te toets, maar ek kan jou nou al sê ek het heelwat meer nodig as 400w.
Ek het 4.6kW nodig, maar ek kan alles doen wat ek moet met 400W. Hoeveel paar skoene kan ek op een slag aantrek, moet ek 'n Bentley ry? My inverter is 400W want ek het net 'n spul rekenaars en ligte wat loop en ek trek dan nie Amps uit die batterye nie, 500W kom in en ek trek net minder as 400w. Ek het 'n groter inverter ook vir as ek goed blenders en mikrogolf oonde wil gebruik, maar batterye hou nie daarvan nie. Jy sal vind daai groot deep cycle batterye hou nie van groot banke in parallel nie.
plompie wrote:
Fri Jun 12, 2020 12:17 pm
Wel ... weereens (ek twyfel). Eerstens, is dit nou "installed" of 'n DIY job waar jyself "hands-on" is?
Verder: My cost by Rectron op 2x105Ah deepcycle batterye alleen, is tans R4942.70 incl.
Dis die ding, en as jy daai kas oopmaak, en twee van daai kook uit teen 50 grade en dit ruik die ene swembadsuur, vra my. En as een sleg is, is almal sleg. So jy reken jy gaan jou geld terugwen as jy elke drie jaar tien van daai gaan vervang? Dit kom maar weer neer op daai modulêre idee, een battery bank is 'n slegte idee, as jy sonder batterye kan gaan of verskillende sisteme met rugsteunkapasiteit is dit beter. Maar om 5kW in die dag te hê en niks in die nag nie, ek weet darem nie.
plompie wrote:
Fri Jun 12, 2020 12:17 pm
Dit hang af watter grootte, gehalte en funksies. Ja, jy kan 'n Infinisolar 5Kva hybrid inverter (ook Rectron) kry vir R12534 incl - en ja, straks is dit genoeg. Maar wanneer jy begin kyk na die kragtiger (en beter gehalte) soos bv Victron, is die prys veel hoër. 'n Goodwe 4.6Kw is byvoorbeeld reeds R32K, en 'n redelike, maar goedkoper gehalte (nie Victron nie) 8Kva is R38K.
Jy sien, jy kom net-net nie oor die weg met jou twee batterye nie, nou wil jy genoeg geld uitgee om 'n klein hotel of plakkerskamp op sonkrag te sit. Nee maar, gaan groot, hoor. Jy kort 'n R20 000 joppie met installasie en COC, maar jy dring aan op 'n R300 000 rekening. Selfs 'n DIY trickle van 6A uit 'n klein draagbare 80W paneel kit met 'n 10Amp controller en 20m se bedrading so jou uitgestort het met daai kragonderbreking, vir R1 500. Dink daaraan, selfs 'n gewone kar battery laaier pomp minder Amps uit.

Hoe meet jy gehalte, die meeste sonkrag ouens in Europa het al jare gelede eintlik bankrot gespeel oor die goedkoop Sjinese goed wat verbasend goed werk, so is 'n plaaslik aanmekaargesoldeerde model met Chinese parte beter? Of die goed doen wat dit moet is 'n ander vraag. Nog nie een van my Chinese panele het al snail trails nie, maar my Duitse modelle... Dis die ding met modulêre sisteme jy vervang die goed soos nodig.

Ek sou eerder die wit kar kry.

plompie
Posts: 385
Joined: Sat Aug 25, 2018 6:28 am

Re: Eishkom

Post by plompie » Fri Jun 12, 2020 4:09 pm

Dankie Kameraad, baie om oor na te dink.
Kameraad wrote:Regte egte MPPT controllers se pryse is effens af, maar pure sine inverters is dramaties goedkoper, al ding is jy het 'n ossilloskoop nodig om te check of daai die ware Jakob is.
So reken jy dis beter om die MPPT en Inverter apart aan te koop? Maar, ek voel darem dat dit nie nodig behoort te wees om met 'n ossilloskoop 'n "ware Jakob" te hoef uitsnuif nie. Sekerlik, die ou wat met een in sy backpack gaan Inverter Shopping doen het daai luxury; ek moet 'n model koop wat ek kan vertrou.
Kameraad wrote:Dink aan jou sisteem as 'n modulêre sisteem. Dink 'n bietjie oor hierdie alles ineen kak, jy vind jy het nog 'n paar panele nodig, of jy wil eerder op 48v werk, maar nou is alles-in-een sisteem se Amps of die volts te laag. Pleks daarvan kon jy net nog 'n MPPT bysit of nog joune uitruil vir 'n groter een, goed ronskuif, soos panele op ander plekke sit waar daar meer son is, en langer "cable runs" soek dikker kabel of hoër volts. Dalk wil jy panele meng, of jy wil jou swembad pompe direk op 12v en appart op hul eie MPPT laat loop, of die hek motors is dalk ver ens. Vir al wat dit werd is, selfde met batterye, jy pas aan soos dit nodig is, dis nie eens nodig nie.

Ek weet nie of ek heeltemal "by" is hier nie:-
* Voel jy dis beter om (sê) 2 of meer MPPT's te hê? Kom ons sê:- Een wat net vir my batterye-op-kritiese komponente bedoel is, maw as daar kragonderbrekings in die dag is; dan sal hierdie MPPT minstens die batterye gedurende die dag ook charge vir die aand; en straks 'n ander een wat bydrae lewer in die dag terwyl die Grid aan is?
* Voel jy dis straks die moeite werd om my pool- en heatpumps om te skakel na 12V? Maar ek weet nie of mens 12V heatpump kry nie; plus daardie installasie is pas gedoen ... en/of ek eerder 'n aparte stelsel direk daarvoor in te sit? Maar dan moet ek dit straks eerder los, want dis nie "krities" nie? Maw konsentreer eerder op krities; selfs "overkill" maar los die ander komponente uit?
* En, hoe gebruik jy die bietjie sonkrag wat jy kry op jou hele huis sover moontlik, sonder dat daar oorgeskakel word ten volle na die grid; as jy aparte MPPT's en Inverters het en nie 'n Hybrid inverter nie?
Kameraad wrote:Wat werk nie vir jou nie jou paneel kos dan R1920, dit gee jou 27A onder ideale toestande, gooi dit saam met 'n PWM contoller in en jy is steeds onder die R3000. 'n Paar R vir kabels en installasie, of sit 'n R1000 by en dis sommer 'n MPPT controller. Maar soos ek sê, ek vertrou nie die goedkoper MPPT's nie. Maar om 'n paar batterye gelaai te hou is PWM ok, en jy kry hulle vir R300 of so.

Ek moet bieg ek is nie tegnies hier nie; ek het nog nie juis eens probeer om 'n begrip vir amps vs volts vs watts ens te bestudeer nie. Maar vir nou, hier bo praat jy bv van 27A onder ideale omstandighede vanaf 1 paneel, MAAR:
How much power can I expect to get from a 300-watt solar panel?
The amount of electricity produced by a solar panel depends on the size of the panel, the amount of sunlight the panel gets, and the efficiency of the solar cells inside the panel. For example, if a 300-watt (0.3kW) solar panel in full sunshine actively generates power for one hour, it will have generated 300 watt-hours (0.3kWh) of electricity. That same 300-watt panel produces 240 volts, which equals 1.25 Amps.
so ek verstaan nie die verskil tussen jou 27A en Google se 1.25A nie.
Kameraad wrote:Ek het 4.6kW nodig, maar ek kan alles doen wat ek moet met 400W. Hoeveel paar skoene kan ek op een slag aantrek, moet ek 'n Bentley ry?
Wel, to be sure my eintlike bekommernis is (a) my kritiese komponente; maar ook (b) dat ek nie wil hoef te voel asof ek die hi-fi moet afsit om krag te konserveer nie; uit bekommernis dat my batterye dit nie gaan maak nie - gevolglik wil ek ook verbeter op die batterye. Ek is paranoies oor my Hi-Fi, wat die beste vir my werk indien 24/7 in "standby" - maar selfs in standby word redelik krag verbruik, as gevolg van 'n PS Audio P20 Regenerator wat die res van die sisteem dryf. Dis een van die redes hoekom ek wil "oor voorsien" op krities.
Kameraad wrote:Dis die ding, en as jy daai kas oopmaak, en twee van daai kook uit teen 50 grade en dit ruik die ene swembadsuur, vra my. En as een sleg is, is almal sleg. So jy reken jy gaan jou geld terugwen as jy elke drie jaar tien van daai gaan vervang? Dit kom maar weer neer op daai modulêre idee, een battery bank is 'n slegte idee, as jy sonder batterye kan gaan of verskillende sisteme met rugsteunkapasiteit is dit beter. Maar om 5kW in die dag te hê en niks in die nag nie, ek weet darem nie.
Wel, ek het nie gesê ek wil niks in die nag hê nie - ek soek net genoeg vir my KRITIESE komponente in die nag (en dag) - vir rugsteun / kragonderbrekings doeleindes. Batterykrag wil ek voldoende hiervoor hê; BINNE die 15% DOD of 80% [Li-Ion] om hulle juis nie elke drie jaar te hoef te vervang nie. Maar, ek sit nou met die 24V Axpert waarvoor ek 2x12V's benodig; en iemand het reeds ook vir my genoem dat in-serie om 24V te behaal is nie so 'n goeie idee nie; want blykbaar word die paar batterye beperk tot die swakste van die twee. MAAR dalk is my goedkoopste nou om te hou wat ek het; en net 2x200's by te voeg om daai ekstra kapasiteit te behaal?
Onthou; ek wil nie 12 batterye (ens) hê nie ... net genoeg vir rugsteun op krities; alhoewel "over-allowed" hierso ... so hoekom noem jy die kook-teen-50 grade-swembadsuur storie .. is dit iets wat algemeen gebeur?
Kameraad wrote:Jy sien, jy kom net-net nie oor die weg met jou twee batterye nie, nou wil jy genoeg geld uitgee om 'n klein hotel of plakkerskamp op sonkrag te sit. Nee maar, gaan groot, hoor. Jy kort 'n R20 000 joppie met installasie en COC, maar jy dring aan op 'n R300 000 rekening. Selfs 'n DIY trickle van 6A uit 'n klein draagbare 80W paneel kit met 'n 10Amp controller en 20m se bedrading so jou uitgestort het met daai kragonderbreking, vir R1 500. Dink daaraan, selfs 'n gewone kar battery laaier pomp minder Amps uit.

Wat van:
* Ek hou my Axpert want die installasie "werk"; en is reeds gedoen.
* Ek bedraad SLEGS my krities op die Axpert, en
* sit net x2 batterye by??
So hoef ek slegs 'n paar panele te installeer; en ek behoort my volgorde: Solar; Grid; Batterye te kan stel??
Kameraad wrote:Ek sou eerder die wit kar kry.
Nee wat, ek is nou van die kar-koop af. As daar geld oor is; het ek wel ander projekte, bv 'n ordentlike sigbare verligte sign vir my complex, sodat die buurvrou kan ophou moan as die mense haar buzz ipv die complex (en jirre, sy't 'n stem soos 'n grinder).

User avatar
Kameraad Eksteen
Posts: 570
Joined: Fri Aug 24, 2018 2:44 pm

Re: Eishkom

Post by Kameraad Eksteen » Fri Jun 12, 2020 5:32 pm

plompie wrote:
Fri Jun 12, 2020 4:09 pm
Ek moet bieg ek is nie tegnies hier nie; ek het nog nie juis eens probeer om 'n begrip vir amps vs volts vs watts ens te bestudeer nie. Maar vir nou, hier bo praat jy bv van 27A onder ideale omstandighede vanaf 1 paneel, MAAR:
How much power can I expect to get from a 300-watt solar panel?
The amount of electricity produced by a solar panel depends on the size of the panel, the amount of sunlight the panel gets, and the efficiency of the solar cells inside the panel. For example, if a 300-watt (0.3kW) solar panel in full sunshine actively generates power for one hour, it will have generated 300 watt-hours (0.3kWh) of electricity. That same 300-watt panel produces 240 volts, which equals 1.25 Amps.
so ek verstaan nie die verskil tussen jou 27A en Google se 1.25A nie.
Ok kom ek kyk.

Watts = Amps x Volts.

Dus 'n 300W paneel is dus dan min of meer 12V x 25A. (Maar dis net in teorie, in die praktyk is dit altyd minder.)

Maar dis as ons dit omskakel na 220V of 240v toe is deur 'n inverter dan word dit 'n deelsom, want die watts bly dieselfde die volts gaan op met die faktor van 240/12. As die potensiaal verskil opgaan gaan die stroom af, maar dis dieselfde hoeveelheid krag. (Daar gaan wel so 10% verlore met die omskakeling) Dink so daaraan, 12V of 24V is soos 'n dik pyp met baie water wat stadig vloei, 220v kan jy as dieselfde water vinnig deur 'n tuinslang sien skiet.

'n 400W inverter sal dus 33A teen 12V trek (of 16,6Amp teen 24v) om 220V teen amper 2A te lewer.

Maar nou werk panele eintlik tot so om en by 21V en dis nou waar daai hele verskil tussen PWM en MPPT inkom, PWM controllers gooi alles bo so 14,6V wat inkom weg, en MPPT's gebruik alles.

DIe kokende, ontploffende batterye gebeur genoeg dat ek al persoonlik daarmee kennis gemaak het, by professionele installasies. Die dat daar sulke waarskuwings selfs op gewone kar batterye is. Batterye is goed wat jy so min as moontlik van wil hê, en wat die meeste respek moet kry.

User avatar
Kameraad Eksteen
Posts: 570
Joined: Fri Aug 24, 2018 2:44 pm

Re: Eishkom

Post by Kameraad Eksteen » Sat Jun 13, 2020 9:36 am

plompie wrote:
Fri Jun 12, 2020 4:09 pm
Wat van:
* Ek hou my Axpert want die installasie "werk"; en is reeds gedoen.
* Ek bedraad SLEGS my krities op die Axpert, en
* sit net x2 batterye by??
So hoef ek slegs 'n paar panele te installeer; en ek behoort my volgorde: Solar; Grid; Batterye te kan stel??
Kameraad wrote:Ek sou eerder die wit kar kry.
Nee wat, ek is nou van die kar-koop af. As daar geld oor is; het ek wel ander projekte, bv 'n ordentlike sigbare verligte sign vir my complex, sodat die buurvrou kan ophou moan as die mense haar buzz ipv die complex (en jirre, sy't 'n stem soos 'n grinder).
Min of meer ja. Ek vra om verskoning dat ek jou beantwoord asof jy tegniese kennis gehad het. Dit kom kortliks daarop neer, as jy na daai drywing som kyk en in ag neem dat jy panele op verskillende maniere vir verskillende doeleindes kan inspan. So, byvoorbeeld sê jy het 4 100W panele, jy kan hulle in parallel koppel , dan het jy (100/12)4 = 33A stroom teen 12V. En dan benodig jy 'n 40A charge controller. Jy kan hulle ook in serie koppel, dan het jy 48V teen 8,3A en jy sal 'n 20A charge controller gebruik.

Die volgende ding is, as jy vir 'n 12V sisteem gaan het jy drade nodig wat daai 33A kan hanteer, en jy het geweldige verliese omdat die stroom so hoog is. Daarom werk groter sisteme eerder met baie hoër volts sodat die panele baie verder van mekaar kan wees met min verliese, en daarom kry jy daai moerse controllers wat 600V inputs kan hanteer. (En met minder amps is die kanse dat jy die plek gaan afbrand minder.)

1. Dis die probleem as jy na onderdele op die internet soek, hulle sal graag 'n Oshkosh trok se ratkas aan jou verkoop vir jou Beetle, en dit sal werk, maar dis steeds 'n kwessie van orde grootte.

2. Panele alleen met 'n paar (enkele) batterye sal maklik vir hulself betaal.

3. 'n Volledige off grid stelsel met batterye sal nooit homself betaal nie, mits jy 'n gastehuis/hotel/hospitaal/winkel/kantoor ens. bedryf.

User avatar
vixen
Posts: 398
Joined: Wed Sep 05, 2018 10:57 am
Location: In the middle of my bubble of my own perception

Re: Eishkom

Post by vixen » Sat Jun 13, 2020 2:47 pm

plompie wrote:Ek skryf hieroor want dikwels het forumlede ervaring, kennis/raad wat waardevol kan wees, en/of sienings wat kan help met perspektief.
Wel. Eskom is nie altyd af nie. My dogter het Woensdag haar finale eksamen vanaf die huis gedoen en die krag was die heeldag aan. Selfs die internet het nie eens gehik nie. Dit het my hoop gegee vir die toekoms en met vertroue het ek vanoggend 'n vrieskas gekoop - moeg vir gevriesde pakke tjops of wors wat op my tone val wanneer ek die "upright" se deur oopmaak.

plompie
Posts: 385
Joined: Sat Aug 25, 2018 6:28 am

Re: Eishkom

Post by plompie » Sat Jun 13, 2020 6:52 pm

Weereens dankie, Kameraad.

1. Stap 1 is vir my dat dieselfde elektrisiën wat my huis bedraad het die volgende doen (hopelik volgende week):-
(a) my DB boards bietjie "tidy-up" - ek dink dis nodig. Krities en nie-krities is eintlik reeds gesplit, maar ek dink die set-up hier kan heelwat vereenvoudig/verbeter word. Seker so R2.5K se werk dink ek.
(b) terselfdertyd moet hy ook dan die 2Kva UPS uit die stelsel neem; Daar was redes hoekom ek dit destyds ingesit het - maar ek het nou eerstehands ervaar dat die oorskakeling tussen Grid en Axpert Inverter / batterye só vinnig geskied dat dit vir alle doeleindes seamless is. My rekenaar reboot nie, bv - en in fact soms bel die bure my "is jou krag ook af" dan moet ek eers 'n nie-kritiese item gaan check .. So ja die UPS is onnodig en dra by tot die lading.
(c) terselfdertyd moet hy vir my lesings neem van al my ladings - beste is om voorbereid met die werklike syfers te wees voor enige finale besluit geneem word.
2. Ek kry die indruk dat jou benadering / implementasie 'n relatief groot (dalk volle) mate van persoonlike insette [DIY] ingesluit het. In hierdie verband:-
(a) Dis goed dat jy daardie ervaring/kennis het en kan aanwend tot jou voordeel. Ekself moet maar daarvoor betaal.
(b) Ek verstaan jou punt dat dit kranksinnig is om een vlieg met x10 bottels DOOM te spuit. Maar ...
3. Ek dink meeste van ons op KK val seker in daai 1-3% groep wat 80%+ van ons land se rykdom / inkomste kry. So:-
(a) My situasie is dat ek nie kind of kraai (waarvan ek weet) het om oor te worry nie. Dis net ek.
(b) Ek is nie iemand om te tob oor my agtergrond; besluite ens nie - of te veel daaroor te filosofeer nie. Lankal vrede gemaak. Maar, ek herinner my die ooglopende wrewel/afguns van mede-kollegas jeens my luukse Audi's en Merc's [wel, lank terug]. My vraag aan hulle was dan: Sou jý hierdie kar kon ry as jy nie jou kinders gehad het nie? Opvolgvraag: So wil jy ruil? So ... mens maak jou besluite in die lewe. In my geval het ek 33 jaar in 'n koshuis gebly (95% van skoolvakansies ingesluit); was nog nooit oorsee (pla my nie); maar het nog nie eens my eie land werklik "gesien" nie (dit pla my). Drie werke gehad - onderwys, rekenaars en audio imports (klein).
(c) So: Nou is ek afgetree. Miskien het ek 5 jaar; straks 10; 20 ... wie weet. Hoekom moet ek sukkel? Maar ja, ek wil darem ook nie stupid wees nie! Reeds meer as genoeg skoolgelde betaal. :oops:
4. My tegniese kennis
(a) Ek glo ek het belis veel meer tegniese kennis as daai ou in my studentejare wat 'n bed-lamp bedraad / verleng het en sorgvuldig die join met tape toegedraai het SONDER om die drade vooraf onafhanklik te isoleer ... Maar, ek het nog nooit voorheen rede gehad om intiem te raak oor volts watts en amps nie.
(b) Soms is tegniese tekortkoming aspris (alhoewel, nie in hierdie geval nie). Bv:- Ek stel nie eens my eie router op nie. Want, dis net eenvoudig 'n diens wat ek NIE wil lewer nie, en ek wil nie lieg as ek sê "ek weet nie hoe" nie. Natuurlik wéét ek dat ek relatief min tyd hoef te spandeer om dit te kan doen ... maar ek wil nie.
(c) Nogtans kry ek baie dikwels mense wat dink omdat ek computers doen, daarom moet ek hulle VCR's, TV's, Universal remotes, GARMAN's en routers ook kan opstel. Om nie eens te praat van Cellphones opstel (ens.) nie. Ek noem dit die "because you've got slanted eyes you've gotta know karate" effek.

Ek sal die vordering hier plaas en hoor graag jou bydraes. Intussen weereens dankie!

User avatar
Kameraad Eksteen
Posts: 570
Joined: Fri Aug 24, 2018 2:44 pm

Re: Eishkom

Post by Kameraad Eksteen » Sat Jun 13, 2020 7:45 pm

plompie wrote:
Sat Jun 13, 2020 6:52 pm
3. Ek dink meeste van ons op KK val seker in daai 1-3% groep wat 80%+ van ons land se rykdom / inkomste kry. So:-
(a) My situasie is dat ek nie kind of kraai (waarvan ek weet) het om oor te worry nie. Dis net ek.
(b) Ek is nie iemand om te tob oor my agtergrond; besluite ens nie - of te veel daaroor te filosofeer nie. Lankal vrede gemaak. Maar, ek herinner my die ooglopende wrewel/afguns van mede-kollegas jeens my luukse Audi's en Merc's [wel, lank terug]. My vraag aan hulle was dan: Sou jý hierdie kar kon ry as jy nie jou kinders gehad het nie? Opvolgvraag: So wil jy ruil? So ... mens maak jou besluite in die lewe. In my geval het ek 33 jaar in 'n koshuis gebly (95% van skoolvakansies ingesluit); was nog nooit oorsee (pla my nie); maar het nog nie eens my eie land werklik "gesien" nie (dit pla my). Drie werke gehad - onderwys, rekenaars en audio imports (klein).
Ek hoor jou, maar dit gaan nie daaroor nie. Dis eerder dat elegante minimale, selfs pasiewe, oplossings 'n besonderse bevrediging meebring. Ek kan 'n 5KW sisteem bekostig, maar voeg dit hoegenaamd waarde, selfs luuksheid, by tot my bestaan. Ek kan nie 'n brood of 'n koek bak gedurende 'n kragonderbreking nie, dis nie die verskil tussen 'n Datsun en 'n BMW vir my nie.

Ek wil nie meer en groter kompleksiteit in my lewe bysit sodat ek die geringe ongerief van 'n kragonderbreking kan oorkom nie. Weerlig, battery banke, ens.

plompie
Posts: 385
Joined: Sat Aug 25, 2018 6:28 am

Re: Eishkom

Post by plompie » Sun Jun 14, 2020 6:58 am

Kameraad wrote:Dis eerder dat elegante minimale, selfs pasiewe, oplossings 'n besonderse bevrediging meebring.
Jy het 'n besondere vermoë met woorde. Die spelfout beïnvloed geensins die trefkrag van jou stelling nie. :)
Kameraad wrote:Ek kan 'n 5KW sisteem bekostig, maar voeg dit hoegenaamd waarde, selfs luuksheid, by tot my bestaan.
Jy het nog nie (tensy ek dit gemis het) gereageer op my veronderstelling dat jy die kennis/vermoë het om tot op 'n redelike vlak 'n elegante oplossing te spesifiseer, ontwerp en te DIY. Ek wil nie geld na die probleem gooi bloot omdat ek dit het nie. Maar, ons vereistes en tegniese vermoëns is verskillend. Die enigste waarde wat ek soek, is soos hieronder beskryf.
Kameraad wrote:Ek wil nie meer en groter kompleksiteit in my lewe bysit sodat ek die geringe ongerief van 'n kragonderbreking kan oorkom nie. Weerlig, battery banke, ens.
Ek stem saam. To be sure, ek het nooit die gedagte gehad van moerse battery banke nie. Ek het wél 1x3.5Kw; of 2x2.4Kw 48V Lithium Ion oorweeg (nog steeds). So wat die batterye betref, streef ek na die (a) beste (b) betroubaarste (c) elegantste (d) mees minimum oplossing (e) feitlik ongeag kostes wat vir my die volgende sal gee:- Genoeg backup saans tot so sê 22:00 se kant om my volle kritiese komponente te laat werk sonder dat ek hoef te worry oor "gaan dit genoeg wees". Plus; slegs ligte en kamera's vir die res van die nag. Niks meer nie. Nie eens die koffie masjien, yskas of microwave nie. Ek hou gewoonlik my hi-fi 24/7 aan of in standby; en x1 rekenaar altyd aan. Maar, ek is selfs heel bereid om dit af te slaaptyd af te skakel tydens 'n rampspoedige nie-loadshedding gebeurde, soos kragstasies wat opblaas. En in my geval, sal dit beslis "waarde" tot my lewe voeg. Dit is natuurlik ook 'n "luukse"; maar dis nie die dryfveer nie ... nie vir my 'n status simbool om rondom die braaivuur oor te brag nie.

En wat die solar panels aan betref, is my minimum vereiste:- Genoeg om die bogenoemde battery(e) bedags te kan charge indien geen grid nie en selfs teen medium optimale weersomstandighede. En te dien as kragbron tesame met batterye op kritiese items alleen indien geen grid nie.
In hierdie verband, was (is) my redenasie:- O.K., so nou móét ek in elk geval 'n inverter hê; en panele opsit. So ek kan netsowel die inverter opgradeer en genoeg panele bysit om die meeste van my huis bedags op solar te kan loop. Die intensie was nooit om noodwendig dinge te kompliseer hierdeur nie! Nee, indien dit die geval is, en ek kompliseer my lewe is ek heel happy om (bv) af te skaal na slegs 'n 3Kw hybrid inverter plus (sê) 6-10 panele in plaas van 8Kw / 25 panele. Reeds het ek x3 Solar geysers op my mees optimale dakruimte so reeds sal ek innoverend moet wees hier ... gelukkig kan ek ruimte "harvest" van wooneenhede reg langsaan.

In verband met die tegniese aspek, is my probleem ook dit [en dis waarskynlik die hoof probleem hoekom ek sukkel om te verstaan]:- Ja, ek is bewus van die feit dat daar verskillende funksies is wat verrig moet word en waarvoor verskillende items nodig is, bv. die MPPT of gewone charger vir die batterye; die inverter (in die sin dat dit slegs die funksie het "invert"). Maar, ek het nie die kennis om 'n werkende stelsel te onwerp en te implimenteer op jou (soos ek vermoed) kundige-DIY basis nie. So wanneer ek geadviseer word deur installeerders, is dit normaalweg volgens die begrip dat die Inverter geïntegreerd sal wees en dat die MPPT charger outomaties voldoende sal wees vir die betrokke stelsel, hetsy 1, 2, 3, 5 of groter Kw.

Post Reply