Links vs. regs

Hier word robuuste debat gevoer oor enige onderwerp met die minimum moderering. Deelnemers wissel van gelowig tot ateïs, van Christen tot Moslem, spiritueel en alles tussenin. Hier word jou oortuigings onder die loep geneem en getoets.
User avatar
DieAnderEk
Posts: 467
Joined: Fri Aug 24, 2018 2:17 pm

Links vs. regs

Post by DieAnderEk » Wed Jun 19, 2019 10:15 am

Ek het die week afgeklim van 'n Facebook-groep waar mense van verskillende politieke oortuigings die laaste ruk op baie infantiele maniere mekaar aan die kele gegryp het. Vreemd genoeg is dit 'n groep vir oopkop denkendes, waar skeptisisme en rasionele debat veronderstel is om hoogty te vier.

Dit wil vir my lyk of dit relatief maklik is om óf jouself in te grawe in jou geloof óf die juk van godsdiens heeltemal af te gooi. Tensy jy werklik sterk godsdienstig is, dink ek is dit nie te moeilik om raak te sien dat daar 'n magdom probleme is met geloof en godsdiens in die breë nie, en dat 'n mens op die een of ander manier daarvoor voorsiening moet maak.

Maar of jy nou 'n gelowige of ongelowige is, dit lyk my of jou politieke oortuigings baie moeiliker rondbeweeg. By die meer verregs- en -links-georiënteerdes is daar dikwels ten minste net so baie emosie betrokke soos by godsdiens, en die meer gematigdes (soos ek) word ook daardeur geraak. Daar is dikwels geen ruimte vir gesonde debat nie, geen oorweging vir alternatiewe denke nie, geen nuanse nie. Dit klink soos iets wat mens net by godsdienstige fundamentaliste kry.

Meer konserwatiewe denke word afgeskiet as rassisties, seksisties, ens. Meer progressiewe denke word afgeskiet as komende van "libtards" en "snowflakes".

Is dit moontlik om gesonde, rasionele debat te voer oor linkse en regse politiek?
I was an omnipotent being until I accidentally tried to shave with Occam's Razor.
- flagbearer223
http://www.reddit.com/r/fifthworldprobl ... identally/

plompie
Posts: 354
Joined: Sat Aug 25, 2018 6:28 am

Re: Links vs. regs

Post by plompie » Wed Jun 19, 2019 12:21 pm

DAE wrote:Is dit moontlik om gesonde, rasionele debat te voer oor linkse en regse politiek?
Daai antwoord het ek nie. Ek moet bieg ek is nie juis vreeslik op hoogte met die politiek nie.
MAAR: Daai paar weke toe die nuwe VWB gratis was, het dit nogal vir my oningeligte, leke-brein gelyk na 'n uiters goeie bron van onpartydige joernalistiek. Dalk skryf ek in ten spyte van die slegs R5 korting vir pensioenarisse. :lol:
DAE wrote:Tensy jy werklik sterk godsdienstig is, dink ek is dit nie te moeilik om raak te sien dat daar 'n magdom probleme is met geloof en godsdiens in die breë nie, en dat 'n mens op die een of ander manier daarvoor voorsiening moet maak.
Hoe meen jy nou, "op die een of ander manier daarvoor voorsiening moet maak"? [Ek ken die vingers-in-die-ore metode; maar ek wonder watter ander voorsieningsmaatreëls jy dalk in gedagte gehad het ... :lol: ]

In die laaste tyd wil dit vir my meer en meer voorkom asof (meeste?) mense wat sê hulle glo nie regtig godsdienstig is nie; maar meer nog - ook nie regtig belanstel in gesprekvoering wat hulle dwalings mag blootlê nie.

User avatar
DieAnderEk
Posts: 467
Joined: Fri Aug 24, 2018 2:17 pm

Re: Links vs. regs

Post by DieAnderEk » Wed Jun 19, 2019 1:43 pm

plompie wrote:
Wed Jun 19, 2019 12:21 pm
MAAR: Daai paar weke toe die nuwe VWB gratis was, het dit nogal vir my oningeligte, leke-brein gelyk na 'n uiters goeie bron van onpartydige joernalistiek. Dalk skryf ek in ten spyte van die slegs R5 korting vir pensioenarisse. :lol:
Daar is 'n paar politieke ontleders wat na my mening redelik objektief skryf. Maar selfs my eie oordeel is seker maar gekleur deur my eie politieke beskouings, en hulle loop ook maar onder kritiek deur.
plompie wrote:
Wed Jun 19, 2019 12:21 pm
Hoe meen jy nou, "op die een of ander manier daarvoor voorsiening moet maak"? [Ek ken die vingers-in-die-ore metode; maar ek wonder watter ander voorsieningsmaatreëls jy dalk in gedagte gehad het ... :lol: ]
Die gewone maar - meer liberale godsdiens, deïsme, spiritualisme, ens. Mense het baie verskillende maniere hoe hulle omgaan met bg. probleme, insluitend om dit bloot te ignoreer natuurlik.
plompie wrote:
Wed Jun 19, 2019 12:21 pm
In die laaste tyd wil dit vir my meer en meer voorkom asof (meeste?) mense wat sê hulle glo nie regtig godsdienstig is nie; maar meer nog - ook nie regtig belanstel in gesprekvoering wat hulle dwalings mag blootlê nie.
Daai is wat ek bedoel met ignoreer, dis maar die maklikste opsie. Vir baie mense pla daai onsekerheid oor wat is waar glad nie so baie soos wat dit vir my gepla het nie.
I was an omnipotent being until I accidentally tried to shave with Occam's Razor.
- flagbearer223
http://www.reddit.com/r/fifthworldprobl ... identally/

Piet du Toit
Posts: 15
Joined: Thu Jun 20, 2019 8:55 am
Location: Centurion

Re: Links vs. regs

Post by Piet du Toit » Wed Jun 26, 2019 11:27 pm

DieAnderEk wrote:
Wed Jun 19, 2019 10:15 am


Meer konserwatiewe denke word afgeskiet as rassisties, seksisties, ens. Meer progressiewe denke word afgeskiet as komende van "libtards" en "snowflakes".
Beslis Ja.
In die Westerse politiek het diktators NET gekom uit groepe LINKS van die middel. In die Arabiese wereld kom diktators/konings NET uit die groepe regs van die middel.

In Afrika oorheers tribalism en daarom is dit maklik vir despote om jare en jare aan bewind te bly.

En dan is daar in Engeland en 'n Koningin wat van 1948 tot die hede haar eiers op die troon warm hou.
Is dit moontlik om gesonde, rasionele debat te voer oor linkse en regse politiek?
Nee, want beide groepe is geindoktrineerd en skuil agter agendas. Afrikaners wat links/ liberaal is, hoop dat hulle simpatie en miskien die skeldnaam van rassis of "apartheid" gaan vryspring en is beslis polities-korrek alhoewel dit ''n agterbakse oneerlike poging is.

Regse groepe , dit is miskien die endangered species op die planeet. (Westerse wereld) . Miskien is hulle meer ernstig en wil beslis die land laat werk daarom die emosie oor wat tans in die land en wereld aangaan. Regse politiek is beslis 'n skelnaam vandag.

Wat ek ook al gesien het is dat linkses om die braaivleis eintlik maar regs in denke is .Na die 3 de drankie is hulle verregs. Hier dink ek bv aan Angelo Agrizzi om 'n voorbeeld te gee, behalwe nou die ooglopende soos Max du Preez en daai Carl Neuhaus outjie van die ANC. Ek persoonlik dink Max du Preez wat vir Winny Mandela "the Mother of South Africa" genoem het en blindelinks op die ANC gravy train gespring het, het al lankal by 'n verlate stasie van die trein afgespring.

Baie van die wedergebore linskes van die 1980's, 1990's is vandag landuit, besig om te loop of het weer 'n werdergeboorte ondervind en tot ander insigte gekom. Mens kon dit duidelik in die onlangse FF+ en DA se stemme gesien het.

Niks is nuut nie, dit is wat dit is. Politiek is die beste instrument denkbaar om mense in groepies te hou, te verdeel en blamering te doen.


Groete

Piet
The Constitution is only there to regulate matters.

User avatar
Kameraad Eksteen
Posts: 549
Joined: Fri Aug 24, 2018 2:44 pm

Re: Links vs. regs

Post by Kameraad Eksteen » Fri Jun 28, 2019 12:40 pm

Piet du Toit wrote:
Wed Jun 26, 2019 11:27 pm
In die Westerse politiek het diktators NET gekom uit groepe LINKS van die middel. In die Arabiese wereld kom diktators/konings NET uit die groepe regs van die middel.
Wel, dis nie waar nie, maar hoekom daaroor debatteer as jy so geweldig seker van jouself is?

User avatar
Kameraad Eksteen
Posts: 549
Joined: Fri Aug 24, 2018 2:44 pm

Re: Links vs. regs

Post by Kameraad Eksteen » Fri Jun 28, 2019 12:46 pm

DieAnderEk wrote:
Wed Jun 19, 2019 10:15 am
Ek het die week afgeklim van 'n Facebook-groep waar mense van verskillende politieke oortuigings die laaste ruk op baie infantiele maniere mekaar aan die kele gegryp het. Vreemd genoeg is dit 'n groep vir oopkop denkendes, waar skeptisisme en rasionele debat veronderstel is om hoogty te vier.
Daar is mos daai DiNK groep, wat ek so skrams raakgelees het, met 'n horde ou KKers daar. Maar dis so benoud en cliché met die ou grysaards wat "memes" plak, hulself op die skouer klop, dat ek verby hou.
DieAnderEk wrote:
Wed Jun 19, 2019 10:15 am
Is dit moontlik om gesonde, rasionele debat te voer oor linkse en regse politiek?
Nee, want regse politiek is suiwer op vrees eensaamheid en haat gebou. En daai haat is as gevolg van die vrees en eensaamheid, so dis 'n simptoom, irrasioneel en nie die ding wat deur konfrontasie opgelos kan word nie.

Piet du Toit
Posts: 15
Joined: Thu Jun 20, 2019 8:55 am
Location: Centurion

Re: Links vs. regs

Post by Piet du Toit » Fri Jun 28, 2019 2:03 pm

Kameraad Eksteen wrote:
Fri Jun 28, 2019 12:40 pm
Piet du Toit wrote:
Wed Jun 26, 2019 11:27 pm
In die Westerse politiek het diktators NET gekom uit groepe LINKS van die middel. In die Arabiese wereld kom diktators/konings NET uit die groepe regs van die middel.
Wel, dis nie waar nie, maar hoekom daaroor debatteer as jy so geweldig seker van jouself is?
Jy hoef nie uit jou seepbal te klim nie maar hier is wat ek gese het . Dalk verstaan jy nie mooi hoe die dinge werk nie.

Kom ons begin en noem 'n paar voorbeelde.

Weste
1. Duitsland - Hitler
2. Rusland- Lenin
3. USA - Bernie Sanders en dan wie weet wat
4. Chile
5. Argentinia
6. Spain
7. Azerbaijan *
8. Belarus
9. Kazakstan *
10 Europese Unie

( As die Volga of Uralberge beskou word as grens tussen Europa en Asia )

Midde Ooste

1.Afghanistan
2. Iraq
3.Saudi Arabia
4.Qatar
5.UAE
6. Yemen

Afrika
1.Algeria
2. Angola
3.Burundi
4. Chad
5. CAR
6.Cameroon
7. Gabon
8. E-G

Dir wil vir my voorkom asof jy weer gaan dink oor my stelling hierbo. Jy het verkeerd om te sien diktators, despote en konings in die westerse uit *regse politiek ontwikkel. Of dalk is dit die eerste keer dat jy dit hoor. Jy sal ook sien ek het gepraat van Links en Regs van die Middel . Middel = sien Franse Revolusie as jy nie weet wat dit beteken nie .

(Soos in Frankryk 1790 ontleen vir Links en Regs)

In Afrika en Midde Ooste kom despote en konings wel uit regse groeperings en tribal nasionalisme.

'n Regse nasionale identiteit in Europa het die omgekeerde waarde as in Afrika en Midde Ooste. Bv, Linkses word in Saudi, Qatar en Bahrain verwep terwyl die weste dit aanvaar.
In die westerse wereld is daar geen regses meer oor nie, almal word getipeer as VER-REGS. Soos Junker doen.

https://encrypted-tbn0.gstatic.com/imag ... 0zQSgJ3_Dw

Soos hier
https://nationalpostcom.files.wordpress ... =all&w=780

Groete Piet
The Constitution is only there to regulate matters.

User avatar
DieAnderEk
Posts: 467
Joined: Fri Aug 24, 2018 2:17 pm

Re: Links vs. regs

Post by DieAnderEk » Fri Jun 28, 2019 2:07 pm

Kameraad Eksteen wrote:
Fri Jun 28, 2019 12:46 pm
Daar is mos daai DiNK groep, wat ek so skrams raakgelees het, met 'n horde ou KKers daar.
Dis die enigste groep waarvan ek weet waar mens lekker kan gesels. Mense raak nie hiper-emosioneel as iemand polities van jou verskil nie.
Kameraad Eksteen wrote:
Fri Jun 28, 2019 12:46 pm
Nee, want regse politiek is suiwer op vrees eensaamheid en haat gebou. En daai haat is as gevolg van die vrees en eensaamheid, so dis 'n simptoom, irrasioneel en nie die ding wat deur konfrontasie opgelos kan word nie.
Ek dink weer anders, regse politiek het bloot 'n groter fokus op sekere aspekte soos stabiliteit, veiligheid, selfbeskikking, tradisionele waardes, ens. Dit is wel ongelukkig so dat dit meestal manifesteer in goed soos rassisme, xenofobie en anti-intellektualisme, dalk omdat die tipe persoon wat aangetrokke voel tot regse politiek oor daardie eienskappe beskik.
I was an omnipotent being until I accidentally tried to shave with Occam's Razor.
- flagbearer223
http://www.reddit.com/r/fifthworldprobl ... identally/

User avatar
Kameraad Eksteen
Posts: 549
Joined: Fri Aug 24, 2018 2:44 pm

Re: Links vs. regs

Post by Kameraad Eksteen » Fri Jun 28, 2019 2:12 pm

Piet du Toit wrote:
Fri Jun 28, 2019 2:03 pm
Kameraad Eksteen wrote:
Fri Jun 28, 2019 12:40 pm
Piet du Toit wrote:
Wed Jun 26, 2019 11:27 pm
In die Westerse politiek het diktators NET gekom uit groepe LINKS van die middel. In die Arabiese wereld kom diktators/konings NET uit die groepe regs van die middel.
Wel, dis nie waar nie, maar hoekom daaroor debatteer as jy so geweldig seker van jouself is?
Jy hoef nie uit jou seepbal te klim nie maar hier is wat ek gese het . Dalk verstaan jy nie mooi hoe die dinge werk nie.

Kom ons begin en noem 'n paar voorbeelde.

Weste
1. Duitsland - Hitler
Ja? Kom ons begin maar by jou nommer een. Nou maar laat ek hoor hoe links daai Duitsers dan nou eintlik was?

User avatar
Kameraad Eksteen
Posts: 549
Joined: Fri Aug 24, 2018 2:44 pm

Re: Links vs. regs

Post by Kameraad Eksteen » Fri Jun 28, 2019 2:41 pm

DieAnderEk wrote:
Fri Jun 28, 2019 2:07 pm
Ek dink weer anders, regse politiek het bloot 'n groter fokus op sekere aspekte soos stabiliteit
Vrees vir verandering. As jy deel van 'n bevoordeelde groep is, is enige verandering potensieel ontwrigtend vir jou. Vrees.
DieAnderEk wrote:
Fri Jun 28, 2019 2:07 pm
, veiligheid,
Want dis die Jood, Moslem en Somaliër ens wat jou gaan indoen, seermaak ens. Vrees.
DieAnderEk wrote:
Fri Jun 28, 2019 2:07 pm
selfbeskikking,
Want as dit dieselfde kleur vel as ek het, gaan dit my belange mos op die hart dra? Vrees.
DieAnderEk wrote:
Fri Jun 28, 2019 2:07 pm
tradisionele waardes, ens.
Dis mos die ding, vrees en onsekerheid maak mense nostalgies oor die standvastigheid van die verlede. Maar jy besef dat die gemiddelde Afrikaner gesin nege kinders gehad het tot voor die ABO, daar is dus nie baie tradisionele waardes, van betekenis, waarna ons kan hunker sonder om effe onprakties te raak nie.
DieAnderEk wrote:
Fri Jun 28, 2019 2:07 pm
Dit is wel ongelukkig so dat dit meestal manifesteer in goed soos rassisme, xenofobie en anti-intellektualisme, dalk omdat die tipe persoon wat aangetrokke voel tot regse politiek oor daardie eienskappe beskik.
Nee, dis bloot vrees wat gewone mense daai simptome gee, dis nie 'n "tipe persoon" wat tot regse politiek aangetrokke voel nie, almal kan bang, eensaam en geïsoleerd voel.

Post Reply